Արգենտինայում մոտ 20 միլիոն մարդ մնացել է առանց էլեկտրականության (տեսանյութ)

Մոտ 20 միլիոն մարդ առանց էլեկտրականության է մնացել Բուենոս Այրեսում և Արգենտինայի մի քանի շրջաններում հրդեհի և դրա հետևանքով հանրապետության հյուսիսային մասում գտնվող «Ատուչա» ատոմակայանի խափանման պատճառով, գրում է La Nación-ը։

Խափանումը տեղի է ունեցել բարձրավոլտ էլեկտրահաղորդման գծի վրա տեղի ունեցած վթարի հետեւանքով։ Վթարի պատճառը մոտակայքում բռնկված հրդեհն է եղել։

Բարձրավոլտ էլեկտրահաղորդման գծում բռնկված հրդեհի և դրան հաջորդած վթարի պատճառով խափանվել է «Ատուչա» ատոմակայանի առաջին էներգաբլոկի շահագործումը։ Արդյունքում հանրապետությունում սպառողների 40%-ը մնացել է առանց էլեկտրականության։ Էլեկտրաէներգիան կորել է ավելի քան 6 միլիոն շենքերում, գրում է թերթը։

2022 թվականի տվյալներով Արգենտինայում ապրում է 46 միլիոն մարդ։