Պենտագոնի ղեկավար Լլոյդ Օսթինը չհայտարարված այցով ժամանել է Իրաք
Աշխարհ
Պենտագոնի ղեկավար Լլոյդ Օսթինը մարտի 7-ին չհայտարարված այցով ժամանել է Իրաք։ Այս մասին հայտնում է Reuters-ը։
«Վայրէջք կատարեցի Բաղդադում։ Ես այստեղ եմ, որպեսզի վերահաստատեմ ԱՄՆ-Իրաք ռազմավարական գործընկերությունը, երբ մենք շարժվում ենք դեպի ավելի ապահով, կայուն և ինքնիշխան Իրաք»,- գրել է Օսթինը Թվիթերի իր էջում:
2003 թվականի մարտի 20-ին ԱՄՆ-ն և նրա դաշնակիցները ռազմական գործողություն սկսեցին Իրաքում, որն անվանվեց «Իրաքյան ազատություն: Այն գործարկվեց նախագահ Սադամ Հուսեյնին տապալելու նպատակով։
Այսպես, ԱՄՆ պաշտպանության նախարար Օսթինը Իրաք է ժամանել այդ երկիր ԱՄՆ-ի ներխուժման 20-ամյակին ընդառաջ։ Օսթինը նույնպես մասնակցել է այդ գործողությանը։ Նա այն ժամանակ եղել է հետևակային դիվիզիայի հրամանատարի օգնական։
Մարտի 4-ին հայտնի դարձավ, որ ԱՄՆ զինված ուժերի շտաբի պետերի միացյալ շտաբի նախագահ, գեներալ Մարկ Միլին չհայտարարված այց է կատարել Սիրիայում գտնվող ամերիկյան ռազմաբազա։ Ինչպես հայտնում է Reuters-ը, այցի շրջանակներում Միլին գնահատել է Սիրիայում ահաբեկչական խմբավորումների դեմ պայքարում ԱՄՆ երկարաժամկետ ջանքերը, ինչպես նաև Արաբական Հանրապետությունում ԱՄՆ ռազմական անձնակազմի պաշտպանությանն ուղղված միջոցառումները:
Ամենադիտված 
Մնաս բարյավ. Րաֆֆի Հովհաննիսյան
