ԵԱՀԿ ՄԽ ամերիկացի համանախագահը վերադարձել է Բաքու՝ Բայրամովի հետ հանդիպման համար

ԵԱՀԿ Մինսկի խմբի ամերիկացի համանախագահ, Հարավային Կովկասում բանակցությունների հարցերով ԱՄՆ Պետդեպարտամենտի ավագ խորհրդական Լուիս Բոնոն վերադարձել է Բաքու՝ Ադրբեջանի արտգործնախարար Ջեյհուն Բայրամովի հետ հանդիպման համար, ով այս շաբաթ ավելի վաղ գտնվում էր երկրից դուրս, հայտնել են ԱՄՆ դեսպանատանը։

«Ե՛վ Երևանում, և՛ Բաքվում ավագ խորհրդականը հանդիպել է բարձրաստիճան պաշտոնյաների հետ՝ խաղաղության գործընթացն առաջ մղելու համար: Նույնիսկ տարածաշրջանում գտնվելու ընթացքում Բոնոն բարձր է գնահատել արտգործնախարար Բայրամովի հետ հանդիպելու հնարավորությունը։ Ինչպես Բոնոն ասել է երկու երկրների մամուլին իր ելույթներում, ԱՄՆ-ն հանձնառու է օգնել Ադրբեջանին և Հայաստանին հասնելու կայուն խաղաղության», - ասել են դեսպանությունից: