Դանիան գարնանը տանկեր կմատակարարի Ուկրաինային

Դանիայի պաշտպանության նախարարի պաշտոնակատար Տրոելս Լունդ Պոուլսենն այցելել է Գերմանիայում գտնվող ձեռնարկություն, որտեղ Leopard 1 տանկերը պատրաստվում են Ուկրաինայի զինված ուժեր առաքելու համար և ասել է, որ ակնկալում է այդ տանկերի առաքումը Ուկրաինա գարնանը։ Այս մասին հայտնում է ՏԱՍՍ-ը։

«Ես շատ գոհ եմ, որ այցելեցի Flensburger Fahrzeugbau Gesellschaft: Ես այնտեղ էի, որպեսզի համոզվեի, որ Ուկրաինայի համար Leopard 1 տանկերի պատրաստման աշխատանքներն առաջ են գնում, և որ մենք կկարողանանք դրանք ուղարկել հնարավորինս շուտ»,- ասել է Պոուլսենը։

Նա նաև հույս է հայտնել, որ դանիական կողմը կկարողանա առաջին տանկերն Ուկրաինա հասցնել այս գարնանը։

Նշվում է, որ Դանիան մտադիր է մատակարարել մոտ 80 ավտոմեքենա։