Փարիզի ոստիկանությունն արցունքաբեր գազ է կիրառել ցուցարարների դեմ

Փարիզում ոստիկանությունը արցունքաբեր գազ է կիրառել կենսաթոշակային բարեփոխումների դեմ բողոքի ցույցերի ժամանակ, հայտնում է BFMTV-ն։

«Երթը դադարեցվել է։ Արցունքաբեր գազ է կիրառվել»,- հայտնում են լրատվամիջոցները։

Այժմ ցուցարարները կանգ են առել Բաստիլի հրապարակում։

Մարտի 11-ին ամբողջ Ֆրանսիայում տեղի է ունենում հերթական՝ յոթերորդ համազգային գործադուլը՝ ընդդեմ կենսաթոշակային բարեփոխումների նախագծի։  Le Parisien-ի փոխանցմամբ՝ ամբողջ երկրում 230 բողոքի ակցիա է կազմակերպվել։