Ասադն աջակցել է Ռուսաստանին՝ «հին ու նոր նացիստների» դեմ պայքարում

Սիրիայի նախագահ Բաշար ալ-Ասադը ռուս գործընկեր Վլադիմիր Պուտինի հետ Մոսկվայում կայացած բանակցությունների ժամանակ վերահաստատել է իր աջակցությունը Ռուսաստանի՝ «հին ու նոր նացիստների» դեմ պայքարին։ Այս մասին հայտնում է ՏԱՍՍ-ը։

«Ես ուզում եմ հիմա պահից օգտվել, քանի որ սա իմ առաջին այցն է Ուկրաինայում հատուկ ռազմական գործողության մեկնարկից ի վեր, և կրկնել սիրիական դիրքորոշումը՝ ի աջակցություն հին ու նոր նացիստների դեմ հատուկ գործողության», - ասել է նա:

Ըստ Ասադի՝ ինքն ասել է «հին ու նոր նացիստներ», քանի որ, ինչպես պնդում էր ՌԴ նախագահը, արևմտյան երկրներն իրենց տարածքում ընդունել են «հին նացիստներին» և այժմ կրկին աջակցում են նրանց։

Ավելի վաղ Պուտինը հայտարարել էր, որ Ռուսաստանի Դաշնության և Սիրիայի համատեղ ջանքերի շնորհիվ զգալի հաջողություններ են գրանցվել միջազգային ահաբեկչության դեմ պայքարում։ ՌԴ նախագահը նշել էր, որ Ռուսաստանն ու Սիրիան մշտական ​​կապի մեջ են, երկու երկրների հարաբերությունները զարգանում են։