Ասադը հայտարարել է, որ Սիրիայում ահաբեկիչները կառավարվում են նաև Թուրքիայի կողմից

Սիրիայում գործող ահաբեկիչները հիմնականում ուղղակիորեն կառավարվում են Վաշինգտոնի կողմից։ Այս մասին «Соловьев Live»-ին տված հարցազրույցում ասել է Սիրիայի նախագահ Բաշար ալ-Ասադը, կադրերը ցուցադրվել են «Россия-1» հեռուստաալիքի եթերում։

«Նրանք [Արևմուտքը] չեն դադարել դա անել: Սիրիայում բոլոր ահաբեկիչները ուղղակիորեն կառավարվում են Միացյալ Նահանգների կողմից, երբեմն նույնիսկ Թուրքիայի կողմից: Բայց գլուխը, որ ղեկավարում է այդ ամենը, Միացյալ Նահանգներն է», - ասել է նա՝ պատասխանելով հարցին, թե հնարավո՞ր է, որ Արեւմուտքը կրկին սկսի «տաքացնել» ահաբեկիչներին՝ Սիրիայում ռազմական գործողությունները վերսկսելու համար։ «Թուրքիան ՆԱՏՕ-ն է։ Նա չի հեռանա ԱՄՆ-ի ազդեցությունից։ Ե՞րբ կդադարեն դա անել։ Դա երբեք չի դադարի, որովհետև ահաբեկչությունը Արեւմուտքի բանակներից մեկն է»,- նշել է նա։

Ինչպես նշել է Ասադը, Արևմուտքի ավերիչ գործողությունները կարող է կասեցնել միայն «շատ մեծ ուժը, որը կարող է հակահարված տալ դրան»: «Նրանք այս տեռորը նախկինում օգտագործել են ԽՍՀՄ-ի դեմ Աֆղանստանում: Նրանք օգտագործել են այս տեռորը Ուկրաինայում, օգտագործել են այն Չեչնիայում: Արևմուտքն աջակցել է այս ամենին: Իմ կարծիքով նրանք դեռ երկար տարիներ կշարունակեն աջակցել ահաբեկչությանը»,- ամփոփել է Սիրիայի նախագահը: