Բարձր ենք գնահատում նրա խաղաղապահ գործունեությունը. Կրեմլը աջակցում է Էրդողանի՝ Խաղաղության Նոբելյան մրցանակի առաջադրմանը
Աշխարհ
Կրեմլը հայտարարել է, որ բարձր է գնահատում Թուրքիայի նախագահ Ռեջեփ Թայիփ Էրդողանի խաղաղապահ գործունեությունը։
ՌԴ նախագահի մամուլի խոսնակ Դմիտրի Պեսկովը մեկնաբանել է Թուրքմենստանի նախկին նախագահ Գուրբանգուլի Բերդիմուհամեդովի առաջարկը՝ Թուրքիայի նախագահին խաղաղության Նոբելյան մրցանակի թեկնածու առաջադրելու մասին։
«Իհարկե մենք բարձր ենք գնահատում պարոն Էրդողանի ջանքերը, նրա խաղաղապահ գործունեությունը, միջնորդական ծառայություններ մատուցելու նրա փորձերը և նրա վերաբերմունքը ռուս-թուրքական երկկողմ հարաբերությունների զարգացմանը»,- ասել է Պեսկովը։
Ինչպես հայտնել ենք, Բերդիմուհամեդովը Թյուրքական պետությունների կազմակերպության գագաթնաժողովում իր հայտարարության մեջ նշել է «Էրդողանի ներդրումը տարածաշրջանային և համաշխարհային մասշտաբով խաղաղության, անվտանգության և կայուն զարգացման ամրապնդման գործում» և ասել, որ Թուրքիայի նախագահը «շատ աշխատանք է կատարում խաղաղ կյանք ապահովելու համար ոչ միայն իր ժողովրդի, այլև բոլոր մահմեդական ժողովուրդների համար»:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
