Պուտինն ու Սի Ծինփինը բանակցություններից հետո հանդես կգան հայտարարությունով

Ռուսաստանի նախագահ Վլադիմիր Պուտինը և Չինաստանի նախագահ Սի Ծինփինը մամուլի հայտարարություններով հանդես կգան մարտի 21-ին նախատեսված պաշտոնական բանակցություններից հետո։ Այս մասին հայտարարել է նախագահի միջազգային հարցերով օգնական Յուրի Ուշակովը, փոխանցում է ՌԻԱ Նովոստին։

«Սկզբում բանակցությունները կանցկացվեն նեղ կազմով, որից հետո բանակցությունները կշարունակվեն ընդլայնված կազմով։ Դրանց կմասնակցեն պաշտոնական պատվիրակությունների բոլոր անդամները։ Այնուհետեւ տեղի կունենա համատեղ փաստաթղթերի ստորագրումը։ Դրանից հետո ղեկավարները հանդես կգան մամուլի հայտարարություններով»,- ասել է Ուշակովը։

Ակնկալվում է, որ բանակցություններից հետո առաջնորդները կստորագրեն երկու կարևոր փաստաթուղթ՝ համապարփակ գործընկերության և ռազմավարական համագործակցության խորացման մասին համատեղ հայտարարություն և մինչև 2030 թվականը ռուս-չինական տնտեսական համագործակցության առանցքային ոլորտները զարգացնելու ծրագրի վերաբերյալ հայտարարություն։

Ավելի վաղ հայտնի էր դարձել, որ Չինաստանի Ժողովրդական Հանրապետության նախագահ Սի Ծինփինը մարտի 20-22-ը Ռուսաստանի նախագահ Վլադիմիր Պուտինի հրավերով պետական ​​այցով կժամանի Ռուսաստան։