Չինաստանի ԱԳ նախարարը հայտարարել է, որ ռուս-չինական հարաբերությունները վտանգ չեն ներկայացնում երրորդ երկրների համար

Չինաստանի արտգործնախարար Ցին Գանգը հայտարարել է, որ ռուս-չինական հարաբերությունները վտանգ չեն ներկայացնում երրորդ երկրների համար։ Համապատասխան հայտարարությունը նա արել է հաղորդաշարի հեղինակ «Մոսկվա։ Կրեմլ։ Պուտին» հաղորդման հեղինակ Պավել Զարուբինի հետ զրույցում, որից մի հատված լրագրողը հրապարակել է իր Telegram-յան ալիքում։

Նախարարի խոսքով՝ Չինաստանն ու Ռուսաստանը իրենց հարաբերությունները դիտարկում են որպես «ուժ, որը կբերի համաշխարհային խաղաղություն և կայունություն»։ Նա նշել է, որ երկու երկրների հարաբերությունները «վտանգ չեն ներկայացնում որևէ երրորդ կողմի համար, առճակատման վտանգ չեն ներկայացնում որևէ մեկի համար»։

Դիվանագետը նաև նշել է, որ Պեկինի և Մոսկվայի հարաբերությունները «հիմնված են փոխադարձ շահերի վրա»։

«Մենք հարևաններ ենք, մեր հարաբերություններում առաջնորդվում ենք մեր պետությունների հիմնարար շահերով»,- հավելել է նա՝ ընդգծելով, որ Չինաստանը և Ռուսաստանի Դաշնությունը լավ հարևաններ են և «ներկայացնում են բարի ուժերը»։