ՌԴ ԱԳՆ-ում սպառնացել են պատասխանել ԱՄՆ-ի ցանկացած ագրեսիվ գործողության
Աշխարհ
ՌԴ փոխարտգործնախարար Սերգեյ Ռյաբկովը մեկնաբանել է ԱՄՆ սենատոր Լինդսի Գրեմի խոսքերը, ով կոչ է արել օդային տարածքում խոցել ամերիկյան ինքնաթիռներին մոտեցող ռուսական ինքնաթիռները։ Դիվանագետի խոսքերը մեջբերում է ՌԻԱ Նովոստին։
Ռյաբկովն ընդգծել է, որ Գրեմի խոսքերին և նման այլ հայտարարություններին պետք է լուրջ վերաբերվել, քանի որ դրանք արտացոլում են ԱՄՆ-ի պատրաստակամությունը՝ «անել առավելագույնը՝ մեզ բոլոր ոլորտներում վնաս հասցնելու համար, ինչպես նաև փորձել վնաս հասցնել ռազմական հեղինակությանը»։ Նա խոստացել է, որ Ռուսաստանը կպատասխանի Վաշինգտոնի ցանկացած ագրեսիվ գործողության։
«Սա արտացոլում է այն փաստը, որ նման հայտարարություններ անողները քիչ են պատկերացնում միջուկային դարաշրջանի իրողությունները և բացարձակապես մոռացել են, որ Ռուսաստանի Դաշնությունը պատրաստ է պաշտպանվել ագրեսիվ հարձակումներից՝ իր տրամադրության տակ եղած բոլոր միջոցներով»,- սպառնացել է Ռյաբկովը։
Դիվանագետը պարզաբանել է, որ ինքը նկատի չի ունեցել Ռուսաստանի միջուկային զինանոցը։ Նա ընդգծել է, որ այս տեսակի զենքի հետ վարվելու որոշակի կանոնակարգ կա. Նրա կարծիքով՝ Ռուսաստանի դեմ ԱՄՆ-ի և այլ երկրների հիբրիդային պատերազմը նոր ձևեր է ընդունում։ Մոսկվայի արձագանքը միշտ կլինի «չափված, կշռադատված և հանգիստ»»,- եզրափակել է Ռյաբկովը։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
