Զելենսկին ասում է, որ Սի Ծինփինից հանդիպման առաջարկ չի ստացել

Ուկրաինայի նախագահ Վլադիմիր Զելենսկին The Yomiuri Shimbun-ի ճապոնական հրատարակությանը տված հարցազրույցում ասել է, որ Չինաստանից առաջարկ չի ստացել բանակցություններ վարելու, մասնավորապես՝ նախագահ Սի Ծինփինի հետ։

«Ես Չինաստանից միջնորդության առաջարկ չեմ ստացել։ Ես հանդիպելու առաջարկ չեմ ստացել»,- ասել է Ուկրաինայի ղեկավարը։

Նախագահը հավելել է, որ ավելի վաղ դիվանագիտական ​​ուղիներով հայտարարել էր, որ ցանկանում է զրուցել Չինաստանի ղեկավարի հետ։

2023 թվականի փետրվարի 24-ին Չինաստանը ներկայացրել էր 12 կետից բաղկացած խաղաղության ծրագիր։ Փաստաթուղթը պարունակում էր հրադադարի և ռազմական գործողությունների դադարեցման կոչեր՝  ռուսական և ուկրաինական կողմերի միջև երկխոսության շուտափույթ վերսկսման համար։