Բլինքենն Ուկրաինայում հրադադարի կոչերը ցինիկ ծուղակ է անվանել

ԱՄՆ պետքարտուղար Էնթոնի Բլինքենն Ուկրաինայում անհապաղ հրադադարի կոչերն անվանել է ցինիկ ծուղակ, որը կսառեցնի հակամարտությունը, գրում է ՌԻԱ Նովոստին։

Նրա խոսքով, աշխարհը պետք է զգուշանա նման առաջարկներից, որոնք կարող են խաղաղության կոչ թվալ, բայց իրականում կարող են սառեցնել հակամարտությունը՝ Ռուսաստանին վերականգնվելու ժամանակ տալով:

Ավելի վաղ Իսպանիայի վարչապետ Պեդրո Սանչեսը հայտարարել էր, որ հաջորդ շաբաթ Չինաստան կատարած պետական ​​այցի ընթացքում Չինաստանի նախագահ Սի Ծինփինի հետ կքննարկի Ուկրաինայում խաղաղության հասնելու հնարավորությունը։ Նման հայտարարություն նա արել էր Բրյուսելում՝ ԵՄ գագաթնաժողովին ընդառաջ։

Նրա խոսքով՝ ինքը ցանկանում է «առաջին ձեռքից իմանալ» Պեկինի դիրքորոշումը Ուկրաինայում խաղաղության վերաբերյալ։ Նա հավելել էր, որ ի վերջո «հենց ուկրաինացիները պետք է պայմաններ ստեղծեն այս խաղաղության գործընթացի մեկնարկի համար»։