Էրդողանը հայտարարել է գազի մատակարարման հարցում Բաքվին օգնելու պատրաստակամության մասին
Աշխարհ
Թուրքիայի նախագահ Ռեջեփ Թայիփ Էրդողանը հայտարարել է, որ Անկարան պատրաստ է աջակցել Բաքվին Անդրանատոլիական գազատարով (TANAP) Հունգարիա գազ մատակարարելու հարցում, հայտնում է TRT Haber-ը։
Այս մասին Էրդողանը հայտարարել է Թուրքիա ժամանած Հունգարիայի նախագահ Կատալինա Նովակի հետ բանակցություններից հետո կայացած մամուլի ասուլիսի ժամանակ։
«Այս պահին մենք պատրաստ ենք համակողմանի աջակցություն ցուցաբերել Ադրբեջանին TANAP-ից Հունգարիա բնական գազի մատակարարման համար», - ասել է Թուրքիայի ղեկավարը։
Նա ընդգծել է, որ Անկարան Բուդապեշտից ակնկալում է ակտիվ աջակցություն Թուրքիայի և Եվրամիության հարաբերություններում դրական օրակարգի համար։
Նովակն իր հերթին նշել է, որ Թուրքիան անփոխարինելի դեր է խաղում Հունգարիայի էներգետիկ անվտանգության հարցում։
Անդրանատոլիական գազատարը Հարավային գազային միջանցքի մի մասն է, որը նախատեսված է ադրբեջանական գազը Եվրոպա տեղափոխելու համար։
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
