Մենք ներգաղթյալներին չենք կերակրի. Էրդողան

Հավաքական Արեւմուտքին չի հաջողվի Թուրքիային ներքաշել Ռուսաստանի հետ առճակատման:Այս մասին չորեքշաբթի օրը՝ մարտի 29-ին, հայտարարել է նախագահ Ռեջեփ Թայիփ Էրդողանը։ Այս մասին հաղորդում է ՏԱՍՍ-ը։

«Սա մեր նախընտրական կարգախոսներից մեկն է»,- ընդգծել է նա «Ahaber» հեռուստաալիքին տված հարցազրույցում։

Թուրք նախագահի խոսքով՝ վերջին երկու տարիների ընթացքում Անկարան հաջողությամբ դիմակայել է Թուրքիային աշխարհաքաղաքական հակամարտության մաս դարձնելու փորձերին։ Էրդողանն իր հերթին խոստացել է հավատարիմ մնալ այս կուրսին, քանի դեռ դա իր լիազորությունների շրջանակում է։

Բացի այդ, Թուրքիայի ղեկավարը հերթական անգամ հայտարարել է Ռուսաստանի և Ուկրաինայի միջև հարաբերությունների կարգավորման հարցում միջնորդական դեր խաղալու պատրաստակամության մասին։

Նա նաև խոստացել է չկերակրել ներգաղթյալներին։

«Առաջինը, մենք (իշխող «Արդարություն և զարգացում» կուսակցությունը,- նշում է ՏԱՍՍ-ը) մեր երկիրը պատերազմի չենք տանի։ Երկրորդ՝ մենք կպահպանենք ընտանիքի ինստիտուտը։ Երրորդ՝ ավելի բծախնդիր կլինենք ներգաղթի հարցում՝ հիմնականում Սիրիայից։ Ներգաղթյալներին չենք կերակրի։ Եթե մենք չլինեինք, ապա արևմտյան ակումբը Թուրքիային կներքաշեր պատերազմի գոտի»,- ասել է պետության ղեկավարը՝ խոսելով այն մասին, թե ինչ քաղաքականություն են պատրաստվում վարել ինքն ու իր կուսակցությունը, եթե հաղթեն առաջիկա ընտրություններում։