Ես դեռ ողջ եմ. Հռոմի պապ

Հռոմի Ֆրանցիսկոս պապը վիրուսային բրոնխիտի պատճառով` եռօրյա հոսպիտալացումից հետո դուրս է գրվել Հռոմի Գեմելի հիվանդանոցից։ Այս մասին շաբաթ օրը հայտնել է Սուրբ Աթոռի մամուլի ծառայությունը, գրում են միջազգային ԶԼՄ-ները։

Պապը բուժհաստատությունից դուրս գալուց առաջ ողջունել է ղեկավարությանը և ողջ բժշկական թիմին ու բուժանձնակազմին, ովքեր այս օրերին նրա հետ էին»,- ասվում է հաղորդագրության մեջ։ Հիվանդանոցից դուրս գալուց հետո նա զրուցել է լրագրողների ու որոշ հավատացյալների հետ։

86-ամյա Ֆրանցիսկոսը չորեքշաբթի օրը շտապ տեղափոխվել է հիվանդանոց, ինչն ի սկզբանե հաղորդվում էր՝ որպես «սովորական հետազոտություն»: Սակայն ավելի ուշ պարզվել է, որ պոնտիֆիկոսի շնչառական դժվարությունների պատճառով՝ սրտի հետ կապված խնդիրների կասկած է առաջացել։ Հետազոտությունների արդյունքում՝ լուրջ հիվանդություններ չեն հայտնաբերել։ 

«Ես դեռ ողջ եմ», - ի պատասխան լրագրողների «Ինչպե՞ս եք» հարցին՝ասել է Ֆրանցիսկոսը։ 

Այս թեմայով Ես դեռ ողջ եմ. Հռոմի պապ Հռոմի պապը հայտարարել է Ուկրաինայում «խաղաղության գաղտնի առաքելության» մասին Միայն Հռոմի պապը գիտի՝ ինչպես վերջ դնել Ուկրաինայում հակամարտությունը. Բեռլուսկոնի Հռոմի Պապը հայտնել է՝ ինչ սուրբծննդյան նվեր կցանկանար ստանալ Բաքվի և Երևանի միջև լարվածությունը թուլացել է Ռուսաստանի շնորհիվ. Հռոմի պապ