Ուզբեկստանում մայրը 9-րդ հարկի պատուհանից դուրս է նետել իր երեք երեխային

Ուզբեկստանում 27-ամյա մայրը 9-րդ հարկում գտնվող բնակարանի պատուհանից դուրս է նետել իր երեք երեխային, հայտնում է Orda Telegram ալիքը։ 

Ողբերգությունը տեղի է ունեցել ապրիլի 3-ին՝ բազմահարկ շենքերից մեկում։ 9-րդ հարկի բնակարաններից մեկում բնակվող երիտասարդ կինը անհայտ պատճառով իր երեք երեխային մոտեցրել է ննջասենյակի պատուհանին և ցած նետել։ Ստացած վնասվածքներից մահացել են 4 և 5 տարեկան տղաները և մեկ տարեկան աղջիկը, երեխաների մահից հետո կինն ինքնասպան է եղել։

Քննիչները պարզել են, որ կինը նախկինում ամուսնու հետ ապրել է Տաշքենդի մարզում՝ առանձնատանը։ Սակայն անցյալ տարվա հոկտեմբերին բազմազավակ ընտանիքը բնակարան է տեղափոխվել, զույգը հաճախ էր վիճում։

Հարուցվել է երկու քրեական գործ՝ «Սպանություն» և «Ինքնասպանության դրդելու» հոդվածներով։ Դեպքի հանգամանքները քննվում են իրավապահների կողմից։