Ֆրանսիայի ոստիկանությունը դեռահասի է ձերբակալել ահաբեկչության նախապատրաստման կասկածանքով

Ֆրանսիայի ներքին հետախուզական ծառայությունը ձերբակալել է 15-ամյա դեռահասի, ով կասկածվում է ահաբեկչություն նախապատրաստելու մեջ։ Այս մասին հայտնում է տեղական The Local France թերթը՝ հղում անելով իրավապահ մարմինների աղբյուրներին։

Նյութում նշվում է, որ դեռահասը ահաբեկչություն էր նախապատրաստում «Իսլամական պետության» գաղափարախոսության անվան տակ։ Ոստիկանությունը նրան բերման է ենթարկել երկրի հյուսիս-արևելքում գտնվող Վերին Ռեյն դեպարտամենտում։

Աղբյուրի համաձայն՝ ձերբակալվածի մոտ հայտնաբերվել են պայթուցիկ սարքերի արտադրության տարրեր, ինչպես նաև արգելված ահաբեկչական կազմակերպությանը պատկանող բազմաթիվ քարոզչական տեսանյութեր։