ՄԱԿ-ի գլխավոր քարտուղարն Իսրայելին և Լիբանանին կոչ է արել կանխել իրավիճակի հետագա էսկալացիան
Աշխարհ
ՄԱԿ-ի գլխավոր քարտուղար Անտոնիո Գուտերեշը դատապարտել է Լիբանանի տարածքից Իսրայելի վրա հրթիռակոծությունները և կողմերին կոչ է արել կանխել հետագա էսկալացիան։ Այս մասին մամուլի ասուլիսի ժամանակ հայտարարել է նրա ներկայացուցիչ Ստեֆան Դյուժարիկը, ում խոսքերը մեջբերում է ՏԱՍՍ-ը։
«Մենք դատապարտում ենք մեծ թվով հրթիռների արձակումը լիբանանյան տարածքից դեպի Իսրայելի հյուսիսային շրջաններ»,- ասել է դիվանագետը՝ հավելելով, որ ՄԱԿ-ի գլխավոր քարտուղարը կողմերին կոչ է անում զսպվածություն ցուցաբերել։
Դյուժարիկը նաև նշել է, որ Լիբանանում ՄԱԿ-ի ժամանակավոր ուժերը կապի մեջ են երկու կողմերի իշխանությունների հետ: Դիմելով Իսրայելի և Լիբանանի իշխանություններին՝ նա խնդրել է նրանց համագործակցել խաղաղապահների հետ և խուսափել միակողմանի գործողություններից, որոնք կարող են հանգեցնել էսկալացիայի։
Ավելի վաղ Լիբանանի տարածքից Իսրայելի ուղղությամբ արձակվել էր 34 հրթիռ։ «ՀՕՊ համակարգը որսացել է 25 հրթիռ։ Հինգ հրթիռ է ընկել Իսրայելի տարածքի վրա»,- հայտնել է իսրայելական բանակի մամուլի ծառայությունը։ Ավելի ուշ լիբանանյան հատուկ ծառայությունները երկրի հարավում հայտնաբերել են կայանքներ, որոնք հրթիռային հարձակում են իրականացրել Իսրայելի վրա։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
