Թայվանի ՊՆ-ն ֆիքսել է կղզուն մոտեցող ավելի քան 70 չինական ինքնաթիռ

Թայվանի պաշտպանության նախարարությունը ֆիքսել է Չինաստանի Ժողովրդական-ազատագրական բանակի 71 ինքնաթիռներ, որոնք մոտենում են կղզուն՝ դրա շուրջ  զորավարժությունների ֆոնին: Այս մասին ՊՆ-ն հայտնել է Twitter-ում։

«Ապրիլի 8-ի ժամը 16:00-ի դրությամբ հայտնաբերվել է Չինաստանի Ժողովրդական-ազատագրական բանակի  71 ինքնաթիռ և 9 նավ»,- ասվում է հաղորդագրության մեջ:

Նաև կղզու պաշտպանության վարչությունը նշում է, որ 45 ինքնաթիռ հատել է Թայվանի նեղուցի, այսպես կոչված, միջին գիծը և մտել Թայվանի հակաօդային պաշտպանության համակարգերի նույնականացման գոտի։

Ավելի վաղ հայտնի էր դարձել, որ չինացի զինվորականները սկսել են մշակել Թայվանի շրջափակումը տասնյակ ինքնաթիռների և նավերի մասնակցությամբ եռօրյա զորավարժությունների ընթացքում։