Աստանայում կայացել է Տոկաև-Ալիև հանդիպումը

Երկուշաբթի օրը Աստանայում կայացել է Ադրբեջանի նախագահ Իլհամ Ալիևի և Ղազախստանի նախագահ Կասիմ-Ժոմարտ Տոկաևի պաշտոնական հանդիպումը, գրում են միջազգային ԶԼՄ-ները։

Աքորդայի հանդիսավոր արարողությունների սրահում պատվո պահակախումբ է կանգնեցվել։ Նախագահական նվագախումբը կատարել է երկու երկրների պետական ​​օրհներգերը։

Տոկաևն ու Ալիևը քայլել են կարմիր գորգի վրայով, որից հետո սկսվել է երկու պետությունների ղեկավարների նեղ կազմով հանդիպումը։

Բանակցությունների օրակարգում է ղազախաադրբեջանական ռազմավարական գործընկերության զարգացումը։