Կանադան ռազմական օգնության նոր փաթեթ կուղարկի Ուկրաինա

Կանադան Ուկրաինա կուղարկի ռազմական օգնության նոր փաթեթ, որը կներառի ինքնաձիգներ, գնդացիրներ և փամփուշտներ։ Այս մասին հայտարարել է վարչապետ Ջասթին Թրյուդոն Ուկրաինայի վարչապետ Դենիս Շմիգալի հետ բանակցություններից հետո, փոխանցում է CBC-ն։

«Այսօր մենք հայտարարում ենք, որ էլ ավելի շատ զենք ենք ուղարկելու։ Մենք կուղարկենք 21000 ինքնաձիգ, 38 գնդացիր և ավելի քան 2,4 միլիոն փամփուշտ», - ասել է քաղաքական գործիչը։

Կանադան նաև ընդլայնել է հակառուսական պատժամիջոցները՝ սահմանափակող միջոցներ մտցնելով 14 ֆիզիկական և 34 իրավաբանական անձանց նկատմամբ։ Մասնավորապես, սահմանափակող միջոցներ են մտցվում «Վագներ» մասնավոր ռազմական ընկերության հետ կապված անձանց նկատմամբ։ Պատժամիջոցներն անդրադարձել են նաև Թաթարստանի Հանրապետության ղեկավարի վրա։