Ուզբեկստանում կայացել է Իրանի, Ռուսաստանի, Չինաստանի և Պակիստանի ԱԳ նախարարների հանդիպումը

Ուզբեկստանի Սամարղանդ քաղաքում այսօր՝ ապրիլի 13-ին, կայացել է Իրանի, Ռուսաստանի, Չինաստանի և Պակիստանի արտաքին գործերի նախարարների հանդիպումը, հայտնում է ՌԴ ԱԳՆ-ն:

Հանդիպման ընթացքում քննարկվել են իրավիճակը Աֆղանստանում՝ շեշտը դնելով անվտանգության ասպեկտների վրա, ամրապնդելով տարածաշրջանային ջանքերի համակարգումն Աֆղանստանի տարածքից բխող ահաբեկչության և թմրամիջոցների ապօրինի շրջանառության սպառնալիքների դեմ պայքարում:

Պայմանավորվածություն է ձեռք բերվել շարունակելու Աֆղանստանի հարցերում միասնական համախմբված տարածաշրջանային մոտեցման ձևավորումը, ինչպես նաև փոխգործակցությունն Աֆղանստանի ներկայիս կառավարության հետ, այդ թվում՝ ներքաղաքական կայունության պահպանման և այս երկրում հումանիտար ճգնաժամը կանխելու նպատակով։

Նախատեսվել է հատուկ ուշադրություն դարձնել ինչպես Համագործակցության երկրներում, այնպես էլ նրա սահմանների շրջագծում անվտանգության և օրինականության ապահովման հարցերին։

Հանդիպման արդյունքներով որոշումներ կկայացվեն իրավապահ, մշակութային, հումանիտար և կրթական ոլորտներում։

Նախարարների կողմից հաստատված մի շարք փաստաթղթեր հետագայում կներկայացվեն ԱՊՀ կառավարությունների ղեկավարների խորհրդի (հունիսի 8-ին) կամ ԱՊՀ պետությունների ղեկավարների խորհրդի (հոկտեմբերի 13-ին) հաստատմանը։