Հունաստանի արտգործնախարարը հորդորել է օգնել Ուկրաինային, Մոլդովային և Վրաստանին՝ հզորացնելու ռազմական ներուժը

Հունաստանի արտաքին գործերի նախարար Նիկոս Դենդիասը հայտարարել է, որ Եվրամիությունը և ՆԱՏՕ-ն պետք է օգնեն Ուկրաինային, Մոլդովային և Վրաստանին՝ ստեղծելու ռազմական և պաշտպանական ներուժ։ Այս մասին նա հայտարարել է այսպես կոչված «Ղրիմի պլատֆորմի» Սև ծովի անվտանգությանը նվիրված առաջին համաժողովում տեսահղումով ելույթ ունենալիս, փոխանցում է «ՌԻԱ Նովոստին»։

«Մադրիդյան գագաթնաժողովում ՆԱՏՕ-ն առաջին անգամ ճանաչեց Սևծովյան տարածաշրջանը որպես «Դաշինքի համար ռազմավարական նշանակություն ունեցող տարածք»: Այս համատեքստում մենք ապահովել ենք, որ Ալեքսանդրապոլիսի նավահանգիստը մեծապես դյուրացնում է Ուկրաինայի պաշտպանության համար տեխնիկայի տարանցումը»,- ասել է Դենդիասը։

Նա նաև նշել է Սև ծովի տարածաշրջանում ԵՄ և ՆԱՏՕ-ի գործընկերների հետ, ինչպիսիք են Ուկրաինան, Մոլդովան և Վրաստանը, հետագա համագործակցության անհրաժեշտությունը։