Շոյգուն հանկարծակի ստուգման է ենթարկել Խաղաղօվկիանոսյան նավատորմը
Աշխարհ
Ռուսաստանի պաշտպանության նախարար Սերգեյ Շոյգուն հայտարարել է Խաղաղօվկիանոսյան նավատորմի անսպասելի ստուգման մեկնարկի մասին։ Այն բերվել է մարտական պատրաստության ամենաբարձր աստիճանի։ Ռուսաստանի Դաշնության Զինված ուժերի գլխավոր շտաբի պետ Վալերի Գերասիմովը ստուգման ընթացքում հանձնարարել է առանձին հսկողության տակ առնել ռազմավարական սուզանավերի՝ զենք կիրառելու պատրաստականությունը, գրում է Kommersant-ը։
Ստուգման նպատակը «պոտենցիալ թշնամու ագրեսիան հետ մղելու խնդիրները լուծելու կարողության բարձրացումն է»,-ասել է Սերգեյ Շոյգուն։
«Խաղաղօվկիանոսյան նավատորմի անսպասելի ստուգմանը, որն ամբողջ ուժով ահազանգվել է ապրիլի 14-ի առավոտյան, ներգրավված են Ռուսաստանի օդատիեզերական ուժերը, զորամասերը և օժանդակ ստորաբաժանումները։ Հեռահար ավիացիայի հրամանատարության և Արևելյան ռազմական օկրուգի ավիացիայի ինքնաթիռները կներգրավվեն Հեռավոր Արևելքում հանկարծակի ստուգման մեջ», - հաղորդում է «Звезда» հեռուստաալիքը:
Ամենադիտված 
Մնաս բարյավ. Րաֆֆի Հովհաննիսյան
