Զելենսկին դժգոհել է զենքի մատակարարման ուշացումներից
Աշխարհ
Ուկրաինայի նախագահ Վլադիմիր Զելենսկին դժգոհել է արևմտյան երկրներից զենքի մատակարարման ուշացումներից։ Նրա խոսքով՝ դա հանգեցնում է ուկրաինական բանակի կորուստների։ Այս մասին նա հայտնել է Telegram-ում հրապարակված տեսաուղերձում։
«Կարևոր է հասկանալ, որ ամեն անգամ, երբ լսում ենք, որ զենքի խոստացված մատակարարումը հետաձգվում է, ամեն անգամ, երբ կասկածներ են առաջանում Ուկրաինայի համար զենքի տեսակի, հեռահարության կամ այլ որակի վերաբերյալ, ամեն անգամ դա նշանակում է, որ ուկրաինացի զինվորները տալիս են իրենց կյանքը, որպեսզի ժամանակ լինի, որ ծախսվի համոզելու վրա, և որպեսզի անհրաժեշտ զենքի մատակարարումն ամեն դեպքում տեղի ունենա.»,- ասել է Զելենսկին։
Նրա խոսքով, ապրիլի 21-ին «Ռամշտայնի ձևաչափով» ևս մեկ հանդիպում կանցկացվի Կիևին ռազմական օգնության վերաբերյալ։ Ուկրաինան, ասել է Զելենսկին, ակնկալում է «էական որոշումներ, որոնք կհամապատասխանեն ռազմաճակատի հեռանկարներին»։ Բացի այդ, նախագահը կոչ է արել Արեւմուտքին «հնարավորինս ակտիվ լինել» զենքի տրամադրման հարցում։
ՈՒՂԻՂ ԵԹԵՐ
Ամենադիտված 
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
