Իրանի նախագահը սպառնացել է ոչնչացնել Թել Ավիվը

Իրանի նախագահ Էբրահիմ Ռաիսին սպառնացել է ոչնչացնել Թել Ավիվը և Իսրայելի մեծությամբ երրորդ քաղաքը՝ Հայֆան, եթե իսրայելական իշխանությունները «չնչին քայլեր ձեռնարկեն» Իրանի դեմ։ Այս մասին հայտնում է The Jerusalem Post-ը։

Համապատասխան հայտարարությունն արել է Իրանի նախագահը Բանակի օրվա կապակցությամբ ունեցած ելույթում։ Զինվորականներին ուղղված ուղերձում քաղաքական գործիչը նշել է, որ իրանական բանակը «լավ զինված է» և ծառայում է ժողովրդի շահերին։

«Արտատարածաշրջանային և ամերիկյան ուժերը պետք է որքան հնարավոր է շուտ լքեն տարածաշրջանը [Մերձավոր Արևելքը], քանի որ դա բխում է իրենց և տարածաշրջանի շահերից»,- ընդգծել է քաղաքական գործիչը։