Ռուսաստանում 78-ամյա կինը ինքնագլորով մխրճվել է ավտոմեքենայի մեջ

Ռուսաստանի Բառնաուլ քաղաքում 78-ամյա կինը որոշել է էլեկտրական սկուտեր վարել և բախվել հանդիպակաց ավտոմեքենային, հայտնում է քաղաքի ճանապարհային ոստիկանությունը, գրում է Ռիա Նովոստին։

«Բառնաուլում արտասովոր վթար է տեղի ունեցել։ 1945 թվականին ծնված մի կին, վարելով Kugoo Kirin M4 Pro էլեկտրական սկուտեր, շրջել է բակով։ Աջ շրջադարձի ժամանակ նա կորցրել է կառավարումը և բախվել հակառակ ուղղությամբ ընթացող Toyota Gaia մակնիշի ավտոմեքենային»,- հայտնել են Ճանապարհային ոստիկանությունից։

Նշվում է, որ կինը թեթև վնասվածքներ է ստացել, նա հոսպիտալացման կարիք չի ունեցել։ Բայց ավտոմեքենան, որը սխալ պահին հայտնվել է սխալ տեղում, վերանորոգման կարիք ունի։