Էրդողանը հավաքում է ձայների 51,4 տոկոսը. հարցում

Թուրքիայի նախագահ Թայիփ Էրդողանը հավաքում է ձայների 51,4 տոկոսը, նրա մրցակիցը՝ միասնական ընդդիմադիր թեկնածու Քեմալ Քըլըչդարօղլուն՝ 48,6 տոկոսը, հետևում է Optimar հետազոտական ​​կենտրոնի նախընտրական հարցումից, որը մեջբերում է Hürriyet թերթը։
Հարցումն անցկացվել է 3005 մարդկանց շրջանում՝ ապրիլի 25-28-ը։

«Երկու թեկնածուներն էլ վերջին տասը օրվա ընթացքում աճում են: Էրդողանի վարկանիշը վերականգնվել է երկրաշարժին հաջորդող անկումից հետո և արդեն երկու շաբաթ է, ինչ աճում է:  «Նախագահական ընտրություններում երկու թեկնածուներից ո՞ւմ օգտին կքվեարկեք» հարցին հարցվածների 51,4 տոկոսը պատասխանել է՝ Էրդողանին, իսկ 48,6 տոկոսը՝ Քըլըչդարօղլուն։ Այսպիսով, Էրդողանը կարծես մոտեցել է այն արդյունքին, որով նա հաղթեց 2018 թվականի ընտրություններում»,–գրում է թերթը։

Թուրքիայի նախագահական և խորհրդարանական ընտրությունները նշանակված են մայիսի 14-ին։ Թեկնածուների վերջնական ցուցակում ընդգրկվել են երկրի գործող ղեկավար 69-ամյա Էրդողանը՝ որպես «Հանրապետական ​​դաշինքի» թեկնածու և ընդդիմադիր «Ժողովրդական դաշինքի» թեկնածու 74-ամյա Քըլըչդարօղլուն։ Ընտրությունների երկրորդ փուլը, եթե թեկնածուներից ոչ մեկը չհավաքի ձայների 50%-ից ավելին, կանցկացվի մայիսի 28-ին։