Պուտինի դեմ ահաբեկչությունը հարձակում է Ռուսաստանի վրա․ Վոլոդին
Աշխարհ
ՌԴ Պետդումայի նախագահ Վյաչեսլավ Վոլոդինը Telegram-ի իր ալիքում ասել է, որ ՌԴ նախագահ Վլադիմիր Պուտինի դեմ ահաբեկչությունը հարձակում է երկրի վրա։
Նրա խոսքով՝ Ուկրաինայի նախագահ Վլադիմիր Զելենսկին, «ահաբեկչական հարձակումներ իրականացնելու հրաման տալով, հավասարվել է միջազգային այլ ահաբեկիչներին»։ Քաղաքական գործիչը կարծիք է հայտնել, որ այսօր Կիևի ռեժիմը «ոչ պակաս վտանգավոր է», քան Ալ-Քաիդան, ԴԱԻՇ-ը և Ջաբհաթ ան-Նուսրան (Ռուսաստանում արգելված կազմակերպություն):
«Նրա հանցավոր մեթոդներն ակնհայտ են ողջ համաշխարհային հանրության համար՝ միջուկային շանտաժ, քաղաքական և հասարակական գործիչների սպանություններ, դիվերսիա և քաղաքացիական օբյեկտների խարխլում։ Այժմ մահափորձ է կատարվում մեր երկրի նախագահի դեմ»,- գրել է Վոլոդինը։
Նա նաև մատնանշել է, որ Կիևի ռեժիմը, «գրավելով» Ուկրաինան, վտանգ է ներկայացնում Ռուսաստանի Դաշնության, Եվրոպայի և ողջ աշխարհի անվտանգության համար։
Պետդումայի խոսնակի կարծիքով՝ Կիևին զենք մատակարարող արևմտյան երկրների քաղաքական գործիչները պետք է գիտակցեն, որ իրենք «դարձել են ոչ միայն հովանավորներ, այլև ահաբեկչական գործունեության անմիջական մեղսակիցներ»։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
