Ադրբեջանը «պարզաջրում է» ռուսական գազը ԵՄ արտահանման համար. ԵԽ–ն բանաձև է ընդունել
Աշխարհ
Եվրախորհրդարանը ընդունել է բանաձեւ, որով կոչ է անում խստացնել Ռուսաստանի դեմ պատժամիջոցները, մասնավորապես՝ ռուսական նավթագազային հատվածի հետ կապված, հաղորդում է DW-ն։
Եվրախորհրդարանի պատգամավորները մտահոգություն են հայտնում միջազգային պատժամիջոցները շրջանցելու Ռուսաստանի կարողության առնչությամբ եւ կոչ են անում ամբողջությամբ փակել ԵՄ շուկան ռուսական էներգակիրների համար։
«Հաշվի առնելով, որ Ռուսաստանի դեմ ԵՄ պատժամիջոցներն արտաքին քաղաքական գործիք են՝ ուղղված անօրինական պատերազմին վերջ տալուն, որոշ լուրջ դեպքերում պատերազմի համար կարևոր ապրանքների արտահանման սահմանափակումները շրջանցելը կարող է համարվել որպես ռուսական ռազմական հանցագործություններին մասնակցություն», - ասվում է բանաձևում:
Պատգամավորները մտահոգություն են հայտնել ԵՄ երկրների և Մոսկվայի միջև պատժամիջոցների տակ գտնվող ռազմական նշանակության ապրանքների շարունակվող առևտրի, ինչպես նաև այն հաղորդագրությունների մասին, որ այնպիսի երկրներ, ինչպիսիք են Ադրբեջանը, «պարզաջրում են» ռուսական գազը ԵՄ արտահանման համար:
Ամենադիտված 
Մնաս բարյավ. Րաֆֆի Հովհաննիսյան
