Հռոմի պապը կրկին բողոքել է իր առողջությունից

Հռոմի պապ Ֆրանցիսկոսը Վատիկանի Առաքելական պալատում ունկնդրության ժամանակ բողոքել է «թեթև բրոնխիտից», հայտնում է «ՌԻԱ Նովոստի»-ն՝ վկայակոչելով Սուրբ Աթոռի մամուլի ծառայությունը։

Նշվում է, որ պոնտիֆիկոսը մասնակիցներին է փոխանցել ելույթի տեքստը, քանի որ չի կարողացել այն կարդալ։

«Կցանկանայի ամբողջ ելույթը կարդալ, բայց մի խնդիր կա՝ փոքր–ինչ բրոնխիտ ունեմ և չեմ կարողանում լավ խոսել»,- դիմել է նա եկեղեցական սիմպոզիումին ներկա ֆրանսիական պատվիրակության անդամներին։

Նոյեմբերի վերջին 87-ամյա պոնտիֆիկոս Ֆրանցիսկոս պապը չեղյալ էր հայտարարել մի քանի լսումներ՝ թեթև գրիպի պատճառով։