«Հարվածելու, վախի, մի փոքր ուտելիք ստանալու համար ստիպել, որ մարդուն բնորոշ գործողություն անի, դա բարբարոսություն է». Ալեն Սիմոնյան
Բլոգոսֆերա
ՀՀ ԱԽ քարտուղար Ալեն Սիմոնյանը բարձրաձայնել է կրկեսներում տնային կենդանիների վարժեցման և օգտագործման խնդիրը՝ նշելով, որ կենդանիներին նման գործողությունների հարկադրելը տանջանք է նրանց համար։
Նրա խոսքով՝ 2022 թվականից Հայաստանում արգելված է վայրի կենդանիներին վարժեցնելն ու կրկեսներում օգտագործելը, սակայն այդ սահմանափակումից դուրս են մնացել տնային կենդանիները։
Սիմոնյանի համոզմամբ՝ մարդու հետ շփվելուն սովոր լինելը չի նշանակում, որ կենդանին պետք է ենթարկվի հարկադրանքի, վախի կամ պատժի միջոցով վարժեցման։
«Հարվածելու, վախի, մի փոքր ուտելիք ստանալու համար ստիպել, որ մարդուն բնորոշ գործողություն անի, դա բարբարոսություն է»,– գրել է նա։
Ալեն Սիմոնյանը հարց է բարձրացրել՝ արդյոք վարժեցնողը կհամաձայնե՞ր լավ աշխատավարձի դիմաց չորեքթաթ քայլել կամ սկյուռիկի պես թռվռալ, և ինչու պետք է շանը ստիպել մարդ ձևանալ կամ կապիկի նման շարժումներ կատարել։ Նա ընдգծել է, որ կենդանիները զվարճանքի առարկա կամ շնչող խաղալիք չեն։
Ամփոփելով խոսքը՝ Սիմոնյանը նշել է, որ դիմում է շրջակա միջավայրի նախարարին, իսկ անհրաժեշտության դեպքում՝ նաև Ազգային ժողովի պատգամավորներին՝ ակնկալելով հարցի հրատապ քննարկում և համապատասխան օրենսդրական քայլեր։
ՈՒՂԻՂ ԵԹԵՐ
Ամենադիտված 
Գլենդեյլաբնակ բժիշկ Վիոլետա Մայիլյանը դատապարտվել է 15 տարվա ազատազրկման՝ բոտոքսի հետ կապված 45 մլն դոլարի խոշորագույն խարդախության համար
