Լուկաշենկոն զգուշացրել է, որ ամբողջ մոլորակը կարող է բռնկվել

Բելառուսի նախագահ Ալեքսանդր Լուկաշենկոն վստահ է, որ աշխարհը մեծ իրադարձությունների նախաշեմին է։ Այդ մասին նա հայտարարել է հունվարի 12-ին Հին Նոր տարվան նվիրված ընդունելության ժամանակ, հայտնում է Բելառուսի ղեկավարի կայքը։

«Ուզում եմ զգուշացնել ձեզ՝ աշխարհը մեծ իրադարձությունների նախաշեմին է: Մենք այսօր այնպիսի ծանր վիճակում ենք, որ կարծես բարակ սառույցի վրայով քայլենք։ Մի անզգույշ քայլ, և կարող ենք խեղդվել և տապալել պետությունը»,- նշել է Լուկաշենկոն։

Նա ասել է, որ ԱՄՆ-ն, բոլորից շատ, չի ցանկանում բազմաբևեռություն։ «Նրանք ցանկանում են կառավարել ողջ աշխարհը, ինչպես եղավ Խորհրդային Միության փլուզումից հետո։ Ուկրաինա, Մերձավոր Արևելք, այսօր արդեն կա Հնդկական և Ատլանտյան օվկիանոսների սահմանը, հութիները... Կան ցուցադրական ռմբակոծություններ միայն Ամերիկայում առաջիկա ընտրությունների համար, և նրանք պետք է ցույց տան իրենց «հերոսությունը»։ Ես վախենում եմ, որ այս կամարը կշարունակվի Հնդկական օվկիանոսով մինչև Թայվան: Ամբողջ մոլորակը կարող է բռնկվել. սա չի կարելի թույլ տալ»,- նշեց նա։