Կովկասում կաթոլիկ եկեղեցու առաջին ուխտավայրը՝ Հայաստանում․ ո՞վ է Սուրբ Շարբելը
Իրան
Հայաստանում՝ նախատեսվում է կանգնեցնել կաթոլիկ եկեղեցու նշանավոր վանական Սուրբ Շարբելի արձանը, որի բացումը նախատեսված է սեպտեմբերի 22-ին: Արձանի ցամաքային փոխադրումը Լիբանանից Եղվարդ տևել է 7 օր: Տասը մետրանոց արձանը տեղադրվելու է Եղվարդի շրջանում և այն լինելու է Կովկասում Սուրբ Շարբելի առաջին ուխտավայրը։
Հայաստանում սրբի անունը հայտնի չէ շատերին։ Տարածքը, որտեղ պետք է կանգնեցվի արձանը, պատկանում է «Գարդենիա լեբնիզ ֆարմ» ընկերությանը, շուրջբոլորը՝ այգիներ են, որը պատկանում է ազգությամբ հույն լիբանանցի գործարար Նիկոլաս Աբու Ֆայսալին։
«Նրա կինն ազգությամբ հայ է, զավակները հայկական անուններ են կրում, նկատի ունեմ՝ հայամետ ընտանիք են։ Ինչ վերաբերում է, թե ինչու պետք է կաթոլիկ եկեղեցու մարոնիական համայնքի սրբի արձանը տեղադրվի Հայաստանում, ասեմ․ Շարբելը պաշտելի է շատ ու շատ ազգերի համար, հետևաբար Սուրբը ճանաչելի կդառնա Հայաստանում, իսկ Հայաստանը ճանաչելի կդառնա սրբի դուռը եկած օտարերկրացիների համար»,-նշեց ընկերության ներկայացուցիչը, ընդգծելով, որ այլ մանրամասներ առայժմ չի ցանկանում ասել, քանի դեռ վերջնականորեն լուծված չէ արձանի տեղադրման թույլտվության հարցը։
Ո՞վ է Սուրբ Շարբելը, որ ընդգրկված չէ Հայ եկեղեցու սրբոց դասում։ Ընկերության ներկայացուցիչը մանրամասնում է․
«Լիբանանի Աննայա՝ Սուրբ Մարոնի վանքը, ուր ապրել է սուրբ Շարբելը, այսօր համարվում է Լիբանանի ամենահայտնի ուխտատեղերից մեկը: Հազարավոր մարդիկ հայտնել են Սուրբ Շարբելի հրաշագործությունների ու զարմանահրաշ բժշկությունների մասին: Մենք էլ կարող ենք դիմել նրա բարեխոսությանը մեր կարիքների մեջ: Իր կյանքից միայն 23 տարին նա անց է կացրել ճգնարանում՝ լռության և աղոթքների մեջ՝ դառնալով Աննայա դարավոր վանքի մենավոր հայրերից մեկը»։
Սեպտեմբերի 22-ին Սուրբ Շարբելի արձանի բացումն ու օծումն է։ Այն ժամանակավոր կտեղադրվի Եղվարդի Նաիրի համայնքի տարածքում, մինչև կլուծվեն իրավական հարցերը։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
