Զելենսկին մեկնաբանել է գիշերային հարվածները

Ուկրաինայի նախագահ Վլադիմիր Զելենսկին հայտարարել է, որ Ռուսաստանի զինված ուժերը գիշերվա ընթացքում հարվածել են երկրի տարբեր տարածաշրջանների ենթակառուցվածքներին և էներգետիկ օբյեկտներին։ Telegram–ում հրապարակված գրառմամբ նա նշել է, որ վնասվել են նաև մի շարք ձեռնարկություններ Կիևի մարզում, իսկ հարվածների հիմնական թիրախը կրկին էներգետիկ համակարգն է եղել։

Զելենսկու խոսքով՝ հարձակումներ են արձանագրվել Դնեպրոպետրովսկի, Չեռնիգովի, Զապորոժիեի, Օդեսայի, Լվովի և Նիկոլաևի մարզերում։ Ուկրաինայի ղեկավարը կրկին կոչ է արել արևմտյան երկրներին ապահովել նոր ռազմական օգնություն և խստացնել հակառուսական պատժամիջոցները՝ որպես պատասխան սկսված հարվածներին։

Ավելի վաղ The New York Times-ը հայտնել էր, որ Զելենսկու թիմը վերջին տարիներին համակարգված կերպով արգելափակել է անկախ հակակոռուպցիոն վերահսկողության աշխատանքը։ Թերթի տվյալներով՝ ուկրաինական կառավարությունը Էներգոատոմի դիտորդական խորհրդին մեղադրել է անարդյունավետության մեջ, մինչդեռ ինքն է իրականում չեզոքացրել վերահսկողության գործառույթները։