Լեհաստանում կեղծ օդային տագնապ է հայտարարվել Ուկրաինայի պատճառով

Լեհաստանի Լյուբարտով քաղաքում միացվել են օդային տագնապի ազդանշան՝ որպես պատճառ նշելով «Ուկրաինայում ստեղծված իրավիճակը»։ RMF24-ը հաղորդում է, որ քաղաքապետ Քշիշտոֆ Պաշնիկը հայտնել է՝ տագնապի ազդանշանը գործարկվել է այն բանից հետո, երբ քաղաքը ստացել է տվյալներ շրջանային հակաճգնաժամային կառավարման կենտրոնից։ Նրա խոսքով՝ ազդանշանն արձակվել էր «Ուկրաինայի ընթացիկ իրադրության» պատճառաբանությամբ։

Սակայն մեկուկես ժամ տևած ստուգումներից հետո պարզվել է, որ ահազանգը կեղծ է։ Տագնապը չեղարկվել է, իսկ Լյուբարտովի արտակարգ իրավիճակների կառավարման կենտրոնում հայտարարել են, որ որևէ ցուցում սիրենները միացնելու վերաբերյալ չեն տվել։ Տեղային իշխանությունների միջև այս հակասությունը առաջացրել է լրացուցիչ հարցեր՝ կապված ազդանշանների վերահսկման ու հրահանգների փոխանցման համակարգի հետ։

Ավելի վաղ հայտնի էր դարձել, որ Լեհաստանում պաշտպանության նախարարության կողմից կազմակերպված կամավորական ռազմական պատրաստության դասընթացները հաճախ մարդիկ չեն այցելում։ Զինվորականներից մեկը նշել էր, որ հայտագրվածների մեծ մասը դասերին չեն ներկայանում և չեն ազատում տեղերը՝ ինչի հետևանքով որոշ ստորաբաժանումներում մասնակցելու ցուցանիշը հասել է ընդամենը 50 տոկոսի և հաճախ ավելի ցածր։