Այն աղետը, որը Հայաստանին բերել է Նիկոլ Փաշինյանը, չի բերել պատմության մեջ ոչ մի այլ ղեկավար․ Սուրեն Պետրոսյան
Բլոգոսֆերա
«Ժողովրդավարական համախմբում» կուսակցության նախագահ Սուրեն Պետրոսյանը գրում է․
«Այն աղետը, որը Հայաստանին բերել է Նիկոլ Փաշինյանը, չի բերել պատմության մեջ ոչ մի այլ ղեկավար, անգամ մոտ չեն եղել հասցված վնասի աստիճանով: Համոզված եմ, որ աշխարհում նմանատիպ օրինակ ևս գոյություն չի ունեցել, նույնիսկ Վիշիի կառավարությունը մեր իշխանության համեմատ ուներ նախանձելի պատվախնդրություն:
Ակնհայտ է նաև, որ պատմության մեջ դժվար կլինի գտնել այնպիսի ընդդիմություն, որը քաղաքական արժեքային, ֆինանսական և տնտեսական առումներով այդքան սերտաճած կլիներ իշխանության հետ որքան մեր խորհրդարանական ընդդիմությունը՝ այնքան սերտաճած, որ անհնար է գտնել անգամ նվազագույն հակասություն որևէ հարցում:
Հետևաբար, իշխանության (ներառում է նաև խորհրդարանական ընդդիմությունը) հետ ամեն ինչ պարզ է և այլևս իմաստ չունի քննարկել նրանց դրսևորման ձևերը:
Այս պահին բոլորիս խնդիրը որակապես նոր ընդդիմություն ձևավորելն է, որը նոր կլինի ոչ միայն իր ձևով, այլ առաջին հերթին բովանդակությամբ՝ ունենալով ռազմավարական խորություն:
Ձևավորվող նոր ընդդիմության հիմքում պետք է ընկած լինի համակարգայնությունը և ոչ թե կեղծ «հերոսների» ձևավորման հիվանդագին մոլուցքը»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
