Եգիպտոսում խորտակված զբոսանավի 17 ուղևոր համարվում է անհետ կորած

Եգիպտոսում՝ Կարմիր ծովի Մարսա Ալամ քաղաքի ափերի մոտ խորտակված Sea Story զբոսանավից 28 մարդու են փրկել զբոսանավից։ Այս պահին ևս 17 մարդ համարվում է անհետ կորած, և նրանց որոնումները շարունակվում են։ Այս մասին ասել է նահանգապետ Ամր Հանաֆին, փոխանցում է Life.ru-ն։

«Կարմիր ծովի նահանգապետ Ամր Հանաֆին հայտարարել է, որ այժմ 28 մարդ հաջողությամբ փրկվել է Մարսա Ալամ քաղաքի ափերի մոտ Sea Story զբոսանավի խորտակման միջադեպից, և 17 անհետ կորածների որոնումները շարունակվում են»,- ասվում է նահանգային կառավարության հայտարարության մեջ։

Ինչպես հայտնել ենք, Կարմիր ծովում՝ Եգիպտոսի Մարսա Ալամ ափերի մոտ, ավելի քան 30 զբոսաշրջիկ տեղափոխող զբոսանավ է խորտակվել։ 

Տեղական ժամանակով՝ նոյեմբերի 25-ի առավոտյան ժամը 05:30-ին (Երևանի ժամանակով՝ 07:30-ին) հաղորդում է ստացվել Մարսա Ալամից հյուսիս գտնվող Sea Story զբոսաշրջային զբոսանավի խորտակման մասին։ Հաղորդվում է, որ նավի վրա եղել է 31 զբոսաշրջիկ տարբեր երկրներից և անձնակազմի 14 անդամ։

Որոնումները շարունակվում են։