Արցախի կորստից նրանք առանձնապես բան չեն ուզում տեսնել ու հասկանալ. Տաթևիկ Հայրապետյան

Տաթևիկ Հայրապետյանը գրում է.

«Ես Սիրիայի մասին վերլուծություններ գրելը սխալ եմ համարում, քանի որ փորձագետ չեմ այդ հարցում, բայց սա ևս մեկ անգամ լրացուցիչ դաս է հասկանալու, որ երբ քո պետության պաշտպանության հույսը դնում ես այլոց վրա, չես ստեղծում ուժեղ ու հզոր անվտանգային համակարգ՝ դրանով իսկ դառնում ես շատ խոցելի, քո հաշվին վաղ թե ուշ կարող են պայմանավորվել հենց քո անվտանգության թվացյալ երաշխավորները, պայմանագրերն էլ չեն փրկի, տարածքային ամբողջականության ճանաչումը՝ ևս․․․ Հենց սա տեղի ունեցավ հաշված օրերի ընթացքում Սիրիայի ճակատագրի դեպքում։ Մեծ առևտուր գնաց ՌԴ-ի, Իրանի ու Թուրքիայի միջև, ամեն մեկը մի բան շահեց, իսկ Սիրիան հայտնվեց ահաբեկչական խմբավորումների ձեռքին՝ դրանից բխող բոլոր աղետալի հետևանքներով․․․

Կհասկանա՞ն ՀՀ իշխանությունները որևէ բան այս ամենից, իհարկե՝ ոչ, անգամ Արցախի կորստից նրանք առանձնապես բան չեն ուզում տեսնել ու հասկանալ՝ հեծանիվը, տոլման, խաշլամի դմակն ու այլ բլոգերական «կայֆերը» դրա վառ վկայությունն են»։