Տարածաշրջանում կատարվող իրադարձությունների ալիքը ծածկելու է Հայաստանը․ քաղաքագետ

«Հյուսիսում քրդերը մարտերի մեջ են մտել Սիրիան գրաված Ջոլանիի բանակի հետ, որն, իհարկե տանուլ են տալու: Դրուզներն իրենց հերթին փորձում են անկախ պետություն կամ անկլավ ստեղծել և դա կարող է և նրանց հաջողվի: Միաժամանակ ԱՄՆ-ը սկսել է հուժկու օդային հարվածներ հասցնել Սիրիայում ակտիվացող Իս. Պետության ուժերին:

 

Սիրիան երբեք այլևս նախկինը չի լինելու: Տեղի է ունենում ոչ միայն պետության, այլև ողջ Մերձավոր Արևելքի վերաձևում, որի առաջնային շահողը միայն Թուրքիան է լինելու: Մյուս կողմից` Իսրայելը: Երկու պետություններն էլ ընդլայնվում են շնորհիվ նրա, որ ոմանց պես անուղեղ ու ողորմելի չեն: Սիրում են պլանավորել, ազգային երազանքներ ունեն և երբեք, երբեք, երբեք ո´չ նահանջում են, ոչ մտածում որևէ մեկի ոտքերն ընկնել:

 

Մերձավոր Արևելքի վերաձևումը մեծ պատմական փոփոխությունների դարաշրջան է բացելու: Փլուզվելու է և Լիբանանը: Վտանգի տակ է Իրաքը, որտեղ փլուզումն ու Բաղդադի անկումը նույնպես կարող են դարձյալ իրատեսական դառնալ: Իրանում իշխանափոխությունն ու պատերազմը և պատերազմի արդյունքում աղետալի հետևանքներով պետության տրոհումը դառնում են խիստ իրատեսական: Ակնհայտ է, որ հաջորդ քայլով արվելու է ամեն բան, որպեսզի փլուզվի հենց Իրանը:

 

Այս ամենի ալիքը ծածկելու է Հայաստանը: Բոբիկ, մերկ, ողորմելի, սրա-նրա ոտքերի տակ քարշ եկող պետության տեսք ունեցող արդի Հայաստանը: Հայաստանը չի կարող ոտքի տակ չգնալ, հատկապես մի պարագայում, երբ քաղցած ու արդեն իսկ шրյուն ճաշակած գորշ գայլը երախը բաց սպասում է այն հարմար պահին, երբ կուլ կտա հիմար, անուղեղ ու ոտքի վրա նեխող ստորաքարշ նապաստակին»: