Թրամփի հետ չեն քննարկվել Գազայի բանակցությունները․ Բայդեն
Աշխարհ
ԱՄՆ հեռացող նախագահ Ջո Բայդենն իր վերջին հարցազրույցում ասել է, որ ինքը չի կապվել ԱՄՆ նորընտիր առաջնորդ Դոնալդ Թրամփի հետ՝ Իսրայելի և ՀԱՄԱՍ-ի միջև գործարքի շուրջ բանակցությունների համար, գրում է Vedomsti-ն։
MSNBC-ի լրագրող Լոուրենս Օ'Դոնելի հարցին, թե արդյոք նա քննարկել է Թրամփի հետ բանակցություններն այս շաբաթ, թե անցած շաբաթ, երբ դրանք մոտենում էին ավարտին, Բայդենը պատասխանել է՝ «ոչ»:
Բայդենը հավելել է, որ ինքը միայն մեկ անգամ «շատ, շատ հակիրճ» բարձրացրել է այդ թեման Թրամփի հետ, երբ նա ժամանել է Սպիտակ տուն ընտրություններից հետո։
«Ես նրա հետ երկու ժամ անցկացրել եմ՝ փորձելով փոխել իշխանության փոխանցման բնույթը, որպեսզի դա կատարվի խաղաղ ճանապարհով։ Եվ ես նրան ասացի, թե ինչ էի անում, այն, ինչ մտածում էի, որ կարող է պատահել»,- բացատրել է նա։
Բայդենն ընդգծել է, որ իր վարչակազմը Թրամփի թիմից ներգրավել է ազգային անվտանգության պաշտոնյաների՝ բանակցություններին օգնելու համար։ «Մենք նրանց հրավիրել ենք զեկուցել այն մասին, թե ինչ է կատարվում նոր վարչակազմին անցնելիս», - ավելացրել է հեռացող ամերիկացի առաջնորդը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
