Իսրայելը, ՀԱՄԱՍ-ը, ԱՄՆ-ը և Քաթարը Գազայի հատվածում հրադադարի մասին համաձայնագիր են ստորագրել

Իսրայելը և ՀԱՄԱՍ-ը՝ ԱՄՆ-ի և Կատարի միջնորդությամբ, 15 ամիս տեւած պատերազմից հետո հրադադարի մասին համաձայնագիր են ստորագրել, հայտնում են Axios-ը և Jerusalem Post-ը՝ հղում անելով աղբյուրներին:

Գործարքը նախատեսում է նաև պատանդների աստիճանական ազատում։

Միաժամանակ, Իսրայելի կաբինետը հետաձգել է գործարքին հավանություն տալու քվեարկությունը մինչև հունվարի 18-ի շաբաթ օրը երեկոյան։ Դա անհրաժեշտ է բանտարկյալների ազատ արձակման համար։

Արդյունքում, գործարքի ուժի մեջ մտնելը հետաձգվել է հունվարի 19-ից մինչև հունվարի 20-ի կեսօրը, Axios-ին ասել է Իսրայելի վարչապետ Բենիամին Նեթանյահուի օգնականը։

ԱՄՆ պետքարտուղար Անտոնի Բլինկենն ավելի վաղ հայտարարել էր, որ գործարքն ուժի մեջ կմտնի նախատեսվածի համաձայն՝ չնայած Իսրայելի կառավարության նիստի հետաձգմանը։