Նուրմագոմեդովը գրառում է արել Գազայում հրադադարի վերաբերյալ

Խառը մենամարտերի ռուսաստանցի մարտիկ և UFC-ի նախկին չեմպիոն Խաբիբ Նուրմագոմեդովն իր սոցիալական ցանցում գրառում է կատարել Գազայում հրադադարի վերաբերյալ։

«Թող Ալլահը նրանց համբերություն տա այս կյանքում, իսկ մյուսում՝ ավելի լավ կյանք»,- գրել է Խաբիբը։

Հունվարի 19-ին Գազայում ուժի մեջ է մտել հրադադարը։ Դրա մեկնարկը հետաձգվել է գրեթե երեք ժամով, քանի որ Իսրայելը չի ​​ստացել ՀԱՄԱՍ-ից ազատ արձակվող պատանդների ցուցակը: Օգտվելով ուշացումից՝ իսրայելական զինվորականները գնդակոծել են հատվածի կենտրոնում և հյուսիսում գտնվող թիրախները։ Շուտով պաղեստինյան խմբավորումը պատանդների անունները փոխանցել է։ ՀԱՄԱՍ-ը կազատի երեք կնոջ: Ի պատասխան՝ Իսրայելը բանտից կազատի 90 բանտարկյալի։

Նուրմագոմեդովի վերջին մենամարտը տեղի է ունեցել 2020 թվականի աշնանը։ Նա UFC մրցաշարում հաղթել է ամերիկացի Ջասթին Գետջեին։ Մարտից անմիջապես հետո նա հայտարարեց իր պրոֆեսիոնալ կարիերան ավարտելու մասին՝ բացատրելով, որ մայրիկին խոստացել է չմենամարտել առանց իր հայրիկի։ Կարիերան ավարտելուց հետո Նուրմագոմեդովը հիմնեց Eagle FC-ը։