Գերմանիան շարունակելու է զինել ուկրաինական ԶՈՒ-ն նույնիսկ հակամարտության ավարտից հետո․ Շոլց
Աշխարհ
Գերմանիայի կանցլեր Օլաֆ Շոլցը հայտարարել է Ուկրաինայի զինված ուժերն ուժեղացնելու մտադրության մասին նույնիսկ այն բանից հետո, երբ Ուկրաինայում հակամարտությունն ավարտվի։ Այս մասին հայտնում է ՏԱՍՍ-ը։
«Առաջին հերթին լավ նորություն կլիներ, եթե Ուկրաինայում պատերազմն ավարտվեր: Բայց նույնիսկ այդ դեպքում մենք դեռ պետք է գործենք Ուկրաինային ապահով ապագա ապահովելու համար»,- ասել է Շոլցը Funke մեդիա խմբին:
«Այնուհետև մենք կխոսենք անվտանգության երաշխիքների մասին, ինչպես նաև այն մասին, թե ինչպես Ուկրաինան կկարողանա պահպանել ուժեղ բանակ, որի ռազմական ներուժը մենք միասին կամրապնդենք»,- պնդել է կանցլերը։
Նա հավելել է, որ դաշնակիցների հետ այս հարցի շուրջ քննարկումները տեղի կունենան «մոտ ապագայում»։
«Սակայն այս պահին նման շահարկումներն արգելված են»,- ընդգծել է Գերմանիայի կառավարության ղեկավարը՝ ևս մեկ անգամ հայտարարելով, որ Ուկրաինայի թիկունքում ոչինչ չպետք է որոշվի։
