ԵՄ-ն չի կարող փոխարինել ԱՄՆ-ի օգնությունն Ուկրաինային․ Եվրախորհրդարանի պատգամավոր

Եվրամիությունը չի կարողանա փոխհատուցել Կիևին Վաշինգտոնի աջակցությունը, եթե ԱՄՆ նախագահ Դոնալդ Թրամփը որոշի վերանայել Ուկրաինային տրամադրվող ռազմական օգնության մակարդակը։ Պրավդա պորտալին նման կարծիք է հայտնել Սլովակիայից Եվրախորհրդարանի պատգամավոր, Հանրապետության Ազգային խորհրդի նախկին փոխխոսնակ Լյուբոշ Բլահան, գրում է ՏԱՍՍ-ը։

«Եթե Թրամփը դադարեցնի Ուկրաինային ռազմական աջակցությունը, Եվրամիությունը ուժ չի ունենա ստանձնելու ամերիկյան պարտավորությունները: Եվ եթե նա փորձի դա անել, դա կլինի ևս մեկ մեխ տնտեսական բարգավաճման և բարեկեցության պետության դագաղին»,-ասել է սլովակ պատգամավորը։

Բլահան նաև ընդգծել է, որ եթե Թրամփը որոշի ուժով վերահսկել Գրենլանդիան, Հյուսիսատլանտյան դաշինքը «կփլուզվի թղթախաղի նման»։