Ավինյանը պաշտոն ստանալուց հետո սկսել է մարդկանց վրա բղավել, ձեռք բարձրացնել․ Սամվել Հակոբյան

Տիգրան Ավինյանը մինչև պաշտոն ստանալը ոչ ձայն են բարձրացրել, ոչ ձեռք են բարձրացրել, հիմա պաշտոն է ստացել արդեն ձայն են բարձրացնում։ Այս մասին այսօր՝ հունվարի 31-ին, Երևանի ավագանու նիստիում տրանսպորտի սակագնի քննարկման լարված մթնոլորտից հետո, հայտարարեց «Մայր Հայաստան» խմբակցության անդամ Սամվել Հակոբյանը։

«Ավինյանը որոշել ա, որ իմ դասղեկն ա, ինքը պիտի խոսա, մեզ ասի սուս մնացեք»,- բորբոքվեց Սամվել Հակոբյանը։ 

Հակոբյանը նշեց, որ իրենց դիտարկմանն այն մասին, որ թվերի մեջ անհամապատասխանություն կա, Տիգրան Ավինյանն արձագանքել է «իյա»։

««Իյա» բառին ոնց էլ արձագանքես, ոչ կոռեկտ է ստացվելու, դրա համար ավելի լավ է գորգոռաս կոռեկտ բառերով։ Մեզ հետ թող էդ տոնով չխոսի․ դեմ եմ ցանկացած տեսակի վիրավորանքներին ու հայհոյանքներին։ Ինձ նիստից հեռացնելու որոշում է կայացվել, բայց ես պատրաստվում եմ մասնակցել նաև շարունակությանը»,- ասաց ավագանու ընդդիմադիր անդամը։