Եթե ես չառերեսվեմ այդ խնդրի հետ տեղի կունենան բաներ և ձեզ հետ, և երկրի հետ, ինձ հետը հլը ջհանդամ․ Փաշինյան
Քաղաքական
Մենք ունեցել ենք սոցիալ-հոգեբանական կոնսենսուսներ, Ես այդ կոնսենսուսի մաս եմ եղել ոչ միայն որպես քաղաքացի, լրագրող, գլխավոր խմբագիր, պատգամավոր, այլեւ որպես ՀՀ վարչապետ։ Այս մասին, այսօր ասուլիսի ժամանակ հայտարարեց ՀՀ վարչապետ Նիկոլ Փաշինյանը։
«Մեր կոնսենսուսը պատմական Հայաստանի տրամաբանության մեջ է եղել: Հակասությունը պատմական Հայաստանի մեր արդիականության, մեր ընկալման մեջ է եղել։ Իրական Հայաստանը մեր մտածողության մեջ, որպես մեր գործողությունների բազիս, որպես ալֆա և օմեգա երբեք չի եղել։ Ես հանգել եմ այն եզրակացության, որ մենք պատմական Հայաստանի և իրական Հայաստանի ընտրանքի մեջ պետք է որդեգրենք իրական Հայաստանը: Ուրիշ տարբերակ պարզապես գոյություն չունի»,- նշեց նա:
Փաշինյանի խոսքով՝ խնդիրը բոլորին է վերաբերում. «Ես իմ կարգավիճակի և իմ անցած ճանապարհի բերումով, ինչքան էլ դա ճիշտ չի ասել, ստիպված եմ դրա հետ առերեսվել, դուք ստիպված չեք, դուք չունեք դրա կարիքը: Եթե դուք դրա հետ չառերեսվեք, ոչ մի բան տեղի չի ունենա, ոչ ձեզ հետ, ոչ ինձ հետ, ոչ էլ երկրի հետ, բայց եթե ես չառերեսվեմ այդ խնդրի հետ և այս խնդրի հետ անկեղծ չառերեսվեմ, տեղի կունենան բաներ և ձեզ հետ և երկրի հետ: Ինձ հետը հլը ջհանդամ»:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
