Մենք գտել ենք մի լուծում, որով առաջադրվում է թե մեր, թե Ադրբեջանի խնդիրները․ Փաշինյան

«Մենք դեմ չենք անխոչընդոտ հաղորդակցմանը, բայց անխոչընդոտ չի նշանակում ՀՀ-ի իրավազորության շրջանցում»,- այս մասին այօր իր հրավիրած ասուլիսի ժամանակ հայտնեց վարչապետ Նիկոլ Փաշինյանը։ 

Փաշինյանն ասուլիսի ընթացքում ասել է, որ սահմանազատման պրոցեսը 2024 թվականին շատ առարկայացավ․ «Մենք Ադրբեջանի հետ առաջին երկկողմ միջպետական թուղթն ունենք, որն անցել է երկու երկրների ընթացակարգերով և ամեն երկիր իր ընթացակարգով դե յուրե հաստատել է այդ փաստաթուղթը։ Սա շատ կարևոր անկյունաքարային նշանակություն ունի։ Պայմանավորվածություն է ձեռք բերվել, որ առաջիկա շրջանում Հայաստան-Ադրբեջան սահմանազատման աշխատանքներում կողմերը կենտրոնանալու են Վրաստանի սահմանից մինչև Իրանի Իսլամական հանրապետության սահման»,-ասել է վարչապետը։

Անդրադառնալով խաղաղության պայմանագրին ասել է, որ նոր ասեիքներ չունի․

«Արդեն ասել եմ, որ նախագծում առկա 17 հոդվածներից 15-ն արդեն համաձայնեցված են, 2 չհամաձայնեցված կետ կա։ Երկուսի մասով էլ ՀՀ-ն առաջարկել է լուծումներ Մենք գտել ենք մի լուծում, որով առաջադրվում է թե մեր, թե Ադրբեջանի խնդիրները», վարչապետը նաև շեշտել է, որ այն բովանդակությունը, որը որ առաջարկվել է մեզ համար բացարձակապես ընդունելի է․ «Ինչ լուծում էլ որ լինի իրենք իրենց ձևով են անվանելու, մենք մեր ձևով։ Բայց կարևոր է հարցի բովանդակությունը, և այն բովանդակությունը, որը մենք առաջարկել ենք մեզ համար բացարձակապես ընդունելի է, լիարժեք համապատասխանում է խաղաղաության խաչմերուկ ծրագրի շրջանակներում բարձրաձայնված սկզբունքներին և համապատասխանում է Ադրբեջանի բարձրաձայնած ակնկալիքներին»․-շեշտել է վարչապետը։

Հասմիկ Անտոնյան