Ղարաբաղն Ալիևի՞նն էր, որ պատրաստ էին տալ․ Փաշինյան

1999 թվականին ԵԱՀԿ Մինսկի խմբի համանախագահողը ասում է, որ Ղարաբաղի հարցը պետք է լուծվի առանց սահմանների փոփոխության: Այն, ինչի մասին ես ասում էի, այն գրառումը, որ ես արեցի, որից հետո եղան մեկնաբանություններ, որին ես արձագանքեցի բանավեճի հրավերով, այդ գրառումը սրա մասին էր: Ասում է՝ Ղարաբաղի հարցը ուզում են լուծեն սահմանների փոփոխությամբ, համանախագող երկիրն ասում է՝ չէ՛, Ղարաբաղի հարցը սահմանների փոփոխությամբ չի կարող լուծվել, չպետք է լուծվի, որովհետև դա Պանդորայի արկղ է: Սա՝ առաջին դիտարկումը: Այդ մասին ասաց ՀՀ վարչապետ Նիկոլ Փաշինյանը՝ անդրադառնալով «Ազատություն» ռադիոկայանի հրապարակած ռեպորտաժին:

«Երկրորդ դիտարկումը, որի մասին տասնյակ անգամներ ասել եմ, նախ ապացուցվեց դա, հույս ունեմ էլ էդ բանավեճը չի լինի:

Իմ թեզը որն է. որ եթե դուք ասում եք, որ իրենք Ղարաբաղը չեն ճանաչել Ադրբեջանի կազմում, բա ինչո՞ւ եք Հայաստանի ինքնիշխան տարածքի մասը տալիս Ադրբեջանին, որ Ղարաբաղը վերցնեք:

Հաջորդը՝ այնտեղ մի նախկին պաշտոնյայի մեկնաբանություն կա այդ թեմայի հետ կապված, որն ինքն էլ էր բանավեճի հրավիրում ինձ: Ասում է, որ Քոչարյանը երբ Ալիևի հետ հանդիպեց, ասում է՝ ես ու Վազգեն Սարգսյանն էլ էինք այնտեղ, երբ որ Քոչարյանը դուրս եկավ, ասաց՝ Ալիևը սենց բան է առաջարկում, դե մենք ոնց այդ չնկատեցինք, մեր առաջին ռեակցիան այն էր, որ Ալիևը պատրաստ է Ղարաբաղը տալ: Այսինքն՝ Ղարաբաղը Ալիևի՞նն էր, սա քաղաքական հարց չէ, սոցիալ-հոգեբանական կամ ենթագիտակցական հարց է: 1999 թվին փաստորեն Ղարաբաղը Ալիևինն էր, որ դուք էլ ուրախացաք, որ Ալիևը պատրաստ է Ղարաբաղը տա: Սրա մասին է խոսքը: Դիվանագիտական փաստաթղթերի հրապարակումը փակեց թեման: Հիմա ես կարող եմ ասել՝ էլ բանավեճի չեմ հրավիրում երեք նախագահներին, որովհետև բանավիճելու բան է՛լ այլևս չկա: Հրապարակված փաստաթղթերը բանավեճը դարձրին անիմաստ»,- նշեց նա: